|
 SIDC Feeds, pasok sa International Standard
 Iginawad ni G. Renato V. Navarrete, Managing Director ng Certification International Philippines, Inc., noong Disyembre 17, 2011, sa Sorosoro Ibaba Development Cooperative ang ISO Certificate of Registration 9001:2008 para sa “formulation and production of animal feeds.” Tinanggap ni Dr. Angelito B. Bagui kasama ang iba pang miyembro ng Lupon, ang ISO certification kasama rin ang Feedmill SBU Head at mga kawaning bumubuo ng core group. Kinilala ni Dr. Bagui ang ginawang pagsusumikap ng ISO Core Group sa pamamagitan ng pagbibigay ng Certificate of Appreciation.
|
|
|
SIDC Coop Assurance Center, Inilunsad!
Mayo 14, 2011, pormal na inilunsad ang bagong proyekto ng kooperatiba ang SIDC Coop Assurance Center (SIDC-CAC). Maagang sinimulan ang motorcade na kaagad sinundan ng isang programa sa SIDC Petron, Balagtas kung saan matatagpuan ang tanggapan ng CAC. Naging panauhin si G. Roy S. Miclat, ang Life Division Manager ng Climbs. Ayon sa kanya, ang pagkakaroon ng SIDC ng serbisyo sa pagpapaseguro ay patunay lamang ng paglago ng koopertiba.
|
|
Bagong Serbisyo Para sa mga Kasapi
Isang panibagong serbisyo ang sinimulan ng kooperatiba para sa kanyang mga kasapi. Pebrero 9, 2011, ganap na ika-labingisa ng umaga sa SIDC Board Room ay pinagtibay ang kasunduan sa pagitan ng Sorosoro Ibaba Development Cooperative (SIDC) AT Climbs Life and General Insurance Cooperative (CLIMBS). Ito ay pinangunahan nina Dr. Angelito B. Bagui, SIDC Chairman of the Board, G. Rico B. Geron, SIDC General Manager at G. Fermin Gonzales, President at Chief Operating Officer ng CLIMBS. Sa Kasunduang ito ay nakapaloob ang pagtutulungan ng dalawang kooperatiba upang makapaghatid ng bagong serbisyo ito ay ang pagpapasiguro o insurance.
|
|
ISO Launching, Ginanap
Kamakailan lamang ay ginanap ang ISO 9001:2008 Project Launching sa SIDC Feedmill Compound, Sorosoro Karsada, Batangas City, Dinaluhan ang paglulunsad na ito ng pamunuan ng kooperatiba, senior officials, mga kawani at mga feedmill suppliers.
|
|
|
DA at SIDC, Partner Sa Pag-unlad
"Aking tunay na hinahangaan ang SIDC dahil sa halagang 11,800 piso nilang sinimulan ay umabot na ito ngayon sa mahigit na 1 billion asset" Ito ang panimulang tinuran ni Sec. Proceso Alcala, kalihim ng Kagawaran ng Agrikultura sa kanyang pananalita sa Farmer's Congress na ginanap sa Abada Gymnasium, Pinamalayan, Oriental Mindoro noong Mayo 6-7, 2011, na dinaluhan ng mga kasapi ng SIDC at iba't-ibang agriultural sectors.
|
|
SIDC at CLSU, Lumagda sa Kasunduan
Pinangunahan nin Dr. Angelito B. Bagui, SIDC Chairman at Dr. Ruben C. Sevillaja CLSU President ang paglagda sa Memorandum of Understanding (MOU) at Memorandum of Agreement sa pagitan ng Sorosoro Ibaba Development Cooperative at ng Central Luzon State University.
|
|
SIDC-La Salle Tie Up, Pinagtibay sa MOU Signing
 Nagkaroon ng pagpirma sa isang Memorandum of Understanding ang mga kinatawan ng Sorosoro Ibaba Development Cooperative (SIDC) at De La Salle University (DLSU) noong September 7, 2010 sa Room 305, Yuchengco Building ng unibersidad sa Maynila. Ito'y pinangunahan nina Dr. Angelito B. Bagui, SIDC Chairman of the Board at Br. Narciso Erguiza-FSC, ang bagong President at Chancellor ng DLSU.
|
|
|
